წიგნის შექმნის მიზანი

ქალაქ ქუთაისის მერიის კულტურის, სპორტის, განათლების, ძეგლთა დაცვის და ახალგაზრდობის საქმეთა სამსახურის მიერ ორგანზებულ კონკურსში ,,ჩემი სკოლის მატიანე'' მონაწილეობის მიღება

Preview audio:

storyj.mp/ah5gjiypfbxk

ჩემი

სკოლის მატიანე

ისტორია დიდებული ტაძარია,სადაც წირავს ერთიან სულს ერისას და საცა აღუმართავს ერს თავის დიდებულ და დიდბუნებოვან კაცთა უწმინდესი ხატნი და ზედ წარწერა დიდთა საქმეთა მოთხრობა,ვითა საშვილიშვილო ანდერძი

ილია

ქ.ქუთაისის N24 საჯარო სკოლა დაარსდა 1948 წელს ტელმანის ქუჩაზე

სკოლის დირეტორი იყო ვლადიმერ ჩირგაძე.

N24 სკოლის დირექტორი დაარსებიდან 1972 წლამდე იყო მიხეილ რიჟინაშვილი.

გეოგრაფიის მასწავლებელი და მეთოდისტი

იმ დროისათვის სკოლის ძირითადი კონტიგენტი -მასწავლებლებიცა და მოსწავლეებიც ებრაელები იყვნენ. მასწავლებლების: კატია მოშიაშვილის, ლალი რიჟანაშვილის, ვენერა გაგულაშვილისა და სხვების გვერდით პედაგოგიურ საქმიანობას ეწეოდანენ აწ გარდაცვლილი პაშა მსხილაძე

(მათემატიკის მასწავლებელი), ქეთო გორბერიძე (ქართულის მასწავლებელი), ჩვენის სკოლის ცოცხალი მატიანე ქიმიის მასწავლებელი ნათელა ხუბულავა , რომელიც დღესაც მთელი შემართებით განაგრძობს პედაგოგიურ საქმიანობას

გასული საუკუნის 70–იანი წლებიდან, როდესაც მასობრივად დაიწყო ებრაელთა წასვლა მათთვის წმინდა ადგილზე, ისრაელში, სკოლას დაემუქრა დახურვა, მაგრამ დარჩენილმა ებრაელებმა თხოვნით მიმართეს მაშინდელ საქალაქო კომიტეტს, არ დაეხურათ სასწავლებელი და 1972 წელს N24–ე სკოლამ ფუნქციონირება განაგრძო ჩკალოვის ქუჩაზე მდებარე საღამოს სკოლის შენობაში.

დაიკავა ორი კორპუსი. ძირითად შენობაში განთავსებული იყო V-X-XI კლასები, ხოლო მის გვერდით მდებარე ორსართულიანი შენობის I და II სართულზე- დაწყებითი კლასები.

სკოლის დირექტორად დაინიშნა მიხეილ სეფიაშვილი, ახალგაზრდა კაცი, ბრწყინვალე მათემატიკოსი და კეთილშობილი ადამიანი.

პარალელურად შენდებოდა სკოლის კორპუსი ბუკიას ქუჩაზე, სადაც ამჟამად ვიმყოფებით. აშენდა 4 სართულიანი შენობა , 40 საკლასო ოთახით, სასადილოთი, სპორტული და სააქტო დარბაზებით. სკოლა შეივსო ახალი ინვენტარით, ფუნქციონირებდა შრომითი საქმიანობისათვის კაბინეტები, გოგონებისა და ვაჟებისათვის.

სწავლება მიმდინარებდა კაბინეტური სისტემით, იყო 3–მათემატიკის,2–ფიზიკის, 3–ქართულის, 2–უცხო ენის, 1–გეოგრაფიისა და 1–ხელოვნების კაბინეტი

1977 წლის 1 სექტემბრიდან სკოლა გადავიდა ახალ შენობაში. ძირითადი კონტიგენტი შეივსო 30–ე სკოლიდან გადმოსული ჯგუფებითა და მასწავლებლებით. ამ დროს ირიცხებოდა 1200 მოსწავლე.

სკოლის დირექტორი მ.სეფიაშვილი ზრუნავდა ახალი ინვენტარით სკოლის შევსებაზე .

80–იანი წლებისათვის სკოლას ჰყავდა 1600 მოსწავლე.

მიხეილ სეფიაშვილი დაიბადა ცაგერის რაიონის სოფელ ლაილაშში, იქვე დაამთავრა საშუალო სკოლა. მისი გადმოცემით, ის იზრდებოდა ღარიბ ოჯახში, მაგრამ იყო შრომისმოყვარე და მიაღწია იმას, რომ სკოლის დამთავრებისთანავე სწავლა განაგრძო ქუთაისის პედაგოგიურ ინსტიტუტში მათემატიკის ფაკულტეტზე.

1977 წელს დაინიშნა #24 სკოლის დირექტორად.

1977 წელს გადაიყვაეს N36 საჯარო სკოლაში დირექტორის მოადგილედ სასწავლო -აღმზრდელობით დარგში, მალევე გაემგზავრა ისრაელში. ამის შემდეგ მის შესახებ არავითარი ინფორმაცია არ გაგვაჩნია. იყო დაოჯახებული, ჰყავდა სამი გოგონა, სამივე უმაღლესი განათლებით. მეუღლე ეთერ მარდახიაშვილი ჩვენს სკოლაში ასწავლიდა გერმანულ ენას.

1987 წლიდან სკოლას სათავეში ჩაუდგა

აწ განსვენებული ჯემალ ფაჩუაშვილი.

ჯემალ ფაჩუაშვილი დაიბადა 1937 წელს ქ.ქუთაისში, ინტელიგენტთა ოჯახში. 1969 წელს დაამთავრა ქუთაისის პედაგოგიური ინსტიტუტი ისტორიის სპეციალობით

1976 წელს დაინიშნა ქუთაისის 33–ე საშუალო სკოლაში დირექტორის მოადგილედ სასწავლო-აღმზრდელობით დარგში, შემდეგ მუშაობა განაგრძო ავტოქარხნის რაიონის მეთოდკაბინეტში მეთოდისტად.

1980 წელს დაინიშნა 26–ე სკოლის დირექტორად,

1987 წელს ქუთაისის N24 სკოლას ჩაუდგა სათავეში,

1991 წლიდან მუშაობდა საღამოს სკოლაში ისტორიის მასწავლებლად.

1991 წელს სკოლის დირექტორად დაინიშნა მერაბ დანელია.

დაიბადა 1960 წელს ქ.ქუთაისში, დაამთავრა ქუთაისის N31 საშუალო სკოლა, შემდეგ ქუთაისის პედაგოგიური ინსტიტუტი ქართული ენისა და ლიტერატურის და ისტორიის სპეციალობით.

1982 წლიდან 1989 წლამდე მუშაობდა ბაღდათის რაიონის სოფელ ზეგანში თავისი სპეციალობით, შემდეგ კი–დიმში.

1990 წლიდან ქუთაისის N24 საშუალო სკოლაში ქართული ენის მასწავლებლად.

1993 წლიდან მუშაობდა სხვადასხვა ორგანიზაციაში.

ამჟამად მუშაობს ქ.ქუთაისის მუნიციპალიტეტის განათლებისა და ძეგლთა დაცვის განყოფილების უფროსად.

1993 წლიდან 1996 წლამდე სკოლის დირექტორად მუშაობდა ზურაბ ხმელიძე ერუდირებული, განათლებული და შესანიშნავი ადამიანი.

ჩვენს სკოლაში მოსვლამდე მუშაობდა N21 საშუალო სკოლის დირექტორად, ფიზიკა–მათემატიკის სკოლაში მათემატიკის მასწავლებლად. არის დაოჯახებული. ამჟამად პენსიონერია.

1996–2006 წლებში სკოლას ხელმძღვანელობდა თამაზ ლევიძე.

დაიბადა 1943 წელს ქ.ქუთაისში პედაგოგების ოჯახში. დაამთავრა ქუთაისის N23 საშუალო სკოლა, შემდეგ კი ქუთაისის პედაგოგიური ინსტიტუტი. სხვადასხვა დროს მუშაობდა №28 სკოლაში უფროს

პიონერხემძღვანელად,პედაგოგად,დირექტორის მოადგილედ,1973 წლიდან საქალაქო საბჭოს აღმასკომშია საპასუხისმგებლო თანამდებობაზე.

1977 წლიდან იყო №4 საღამოს, №18, №31, №35 საშუალო სკოლების დირექტორი.

1986-1989 წლებში ავტოქარხნის რაიონის განათლების განყოფილების გამგის მოვალეობას ასრულებდა. დაჯილდოებულია სახალხო განათლების წარჩინებულის სამკერდე ნიშნითა და დიდების ორდენით.

2007 წლიდან დღემდე სსიპ-ქალაქ ქუთაისის №24 საჯარო სკოლას ხელმძღვანელობს ქალბატონი სოფიო ხარშილაძე, რომელიც ენერგიასა და ძალისხმევას არ იშურებს,რომ სკოლა წარმატებულ სასწავლო დაწესებულებათა რიგში იყოს. არის დაოჯახებული, ჰყავს მეუღლე და ორი შვილი.