- Troy / 29

                              - Rainier / 26

                              - Felix / 14

                              - Darius / 6

Dina hiji mangsa, di hiji lembur, di Jawa Tengah, aya saurang randa, ngaranna Mbok Srini. Anjeunna hirup nyalira, anjeunna ngarepkeun gaduh murangkalih. Unggal dinten anjeunna tara hilap ngadoa supados dipaparin murangkalih.

Waktos  Mbok Srini angkat ka leuweung pikeun milarian suluh, datang buta Hejo mere siki bonteng. 

Buta Hejo nyarios yen anjeunna bakal nyuhunkeun buruhna dina mangsa nu bakal datang.

Mbok Srini kacida bungahna, Gura giru Mbok Srini mulang ka bumina bari nyandak siki bonteng.

Mbok Srini melak siki bonteng eta. Teu kantos lami,tangkal bonténg téh langsung buahan hiji bonténg nu ageung jeung kelirna kaemasan.

Nalika anjeunna panen buah, di jerona aya orok istri nu dinamian Timun Mas. Mbok Srini kacida bungahna.

Waktos Timun Mas yuswana 10 taun, Buta Hejo datang pikeun nagih janji Mbok Srini. Mbok Srini kacida reuwas jeung sieun. Mbok Srini milarian alesan supados Timun Mas teu di dahar ku Buta Hejo. "Buta, lamun anjeun sumping 2 taun deui, pasti Timun Mas beuki lintuh jeung beuki ngeunah dagingna, getihna ge pasti beuki amis"  Saur Mbok Srini.

Lantaran ku bodo, Buta percanteun ka cariosan Mbok Srini. Tuluy indit, bari nyarios : "Kula bakal datang 2 taun deui bari ngayakeun pésta ngadahar daging anu ngeunah."

Saatos Buta Hejo angkat, Mbok Srini milarian akal kanggo nyalametkeun Timun Mas sareng ngadoa ka Gusti Nu Maha Suci. Dina hiji wengi Gusti ngawaler Doa na, Anjeunna ngimpén tepang sareng saurang petapa di gunung. Petapa miwarang supados timun mas ngadeuheus ka anjeunna. 

Singkatna carita, Timun Mas papendak sareng petapa. Petapa masihan 4 bungkusan  kanggé nyalametkeun Timun Mas ti Buta Hejo.

Teu karaos waktos tos dua taun. Buta Hejo datang badé nyandak Timun Mas. Mbok Srini kasieunan pisan anakna di dahar ku Buta Hejo, Tapi Timun Mas ngarasa tenang lantaran tos gaduh opat bungkusan ti Petapa.