ПРВАЧЕ

Брзај, брзај прваче

кон школскиот двор

те чека учителка

со мајчински збор.

Брзај брзај прваче

ѕвонче шири глас

децата се собрале

за првиот час

Букви сказни песнички

на секој нов час

таа ќе ти кажува

со милозлив глас.

ДРУГАРСКА ПЕСНА

Ти си голем, јас сум мал

-не ми е за тоа жал!

Се дружиме секој ден,

имаме и сличен тен,

имаме и сличен глас,

зрна сме од еден клас,

какпки сме во еден вир,

поширок од ширна шир!

Ти си голем, јас сум мал

-не ми е за тоа жал!

Ми помагаш како брат

одиме по сончев пат!

ДУВНА ВЕТРЕ

Дувна ветре

развигорче-

нишна гранче

над изворче.

Дувна ветре

будигора-

раззелени

сто јавора.

Дувна ветре

југовиче-

накитено

со кокиче.

ПРАЗНИК

Облечи ме, мамо,

исчешлај ми коса,

на плоштадот денес

и нас ќе не носат.

И знаменце дај ми

и цвеќенца разни,

во градов се слави

најрадосен празник.

НАШАТА ЦРЕШНА

Тате ни засади

питома црешна,

малечка, ситна,

за око смешна.

Гордо тате

крена глава:

-Питома е,

род ќе дава!

И порасна таа

и остана смешна,

но сеуште дава

род нашата црешна.