ერთხელ ანდროკლემ დანაშაული ჩაიდინა, სასჯელის შეეშინდა, აფრიკაში გაიქცა და თავი გამოქვაბულს შეაფარა, თურმე გამოქვაბული ლომს ეკუთვნოდა. დაუპატიჟებელ სტუმარს შინ დაბრუნებული ლომის დანახვაზე მკვდრის ფერი დაედო. ლომი ანდროკლეს მიუახლოვდა და ნატკენი ფეხი მუხლებზე დაადო, ანდროკლე მიხვდა ლომს რაც აწუხებდა და ფეხიდან გრძელი ეკალი ამოაძრო. ამ ამბის შემდეგ ისინი დამეგობრდნენ.

.

ანდროკლეს მარტო ცხოვრება მოწყინდა, გამოქვაბულიდან გამოვიდა, ის დაიჭირეს და რომში გაგზავნეს, მალე ლომსაც იგივე ბედი ეწია ისიც დაიჭირეს და სხვა ცხოველებთან ერთად რომში სანახაობების საჩვენებლად წაიყვანეს.

.

ანდროკლეს, როგორც დამნაშავეს ლომებთან ბრძოლა მიუსაჯეს. ეს ბრძოლა რათქმაუნდა ყოველთვის მხეცის გამარჯვებით მთავრდებოდა.

ანდროკლე არენაზე გაიყვანეს და გამოუშვეს ლომებიც. მას ყველაზე დიდი ლომი მიუახლოვდა, დაყნოსა, ფეხქვეშ გაუგორდა და ლოკვა დაუწყო. ეს ის ლომი იყო რომელთან ერთადაც ანდროკლე გამქვაბულში ცხოვრობდა

.

სეირის ყველა მაცქირალს გული აუჩუყდა და სასიხარულო ჟრიამული შეიქნა. მონა გაათავისუფლეს და ეს ლომიც საჩუქრად მისცეს.

.