დათვი და მელა დაძმობილდნენ. გაუდგნენ გზას. გავიდნენ ერთ  მინდორზე. დათვმა დაინახა ცხვრის ფარა და მელას უთხრა: მელიკო, თუ შეგიძლია, ერთი ცხვარი მომიყვანეო!

მელამ უთხრა: როდესაც მივალ, მწყემსები მე გამომეკიდებიან  დასაჭერად, შენ კი ცხვარი მოიტაცე, მაგრამ უჩემოდ არ შეჭამოო.

მივიდა მელა მწყემსებთან. მწყემსებმა დაინახეს და დასაჭერად  გამოეკიდნენ. ამ დროს მიირბინა დათვმა და ერთი ცხვარი მოიტაცა.

ერთხანს უცადა მელას, მაგრამ ის არსად ჩანდა. ბოლოს ადგა და ცხვარი მარტომ შეჭამა. ცოტა ხნის შემდეგ მოვიდა მელა. დახედა, ცხვარი აღარ იყო. უთხრა: დათუნია, ცხვარი რა უყავიო?