The book title "Ye_Beiray DemeTS`e" is an Amharic expression loosely translated as "The Voice Of My Ink". The book is a collection of short Amharic poems and fictional stories that reflect the author's profound observations of the human experience. At times, her observations are articulated in colorful words woven in a "Wax and Gold style",
(In Abyssinian poetry, the “wax” is the obvious meaning, and the “gold” is the hidden meaning). Other times, her poetic expression represents that she is indeed a straight shooter from the heart. Each poem raises thought-provoking issues about humanity, culture, tradition, romance, love, compassion mismatched marriages, suffering, greed, war, and politics, as well as advocating for the irreplaceable-precious human lives that are lost due to ethnic conflict in Ethiopia—above all - holding the bystanders equally responsible for the ongoing human suffering in her homeland. (Elsi Abebe is also an author of four children's books that are written in the English Language.)
Copyright©Elsi Abebe 2022 USA
Created & published on StoryJumper™ ©2025 StoryJumper, Inc.
All rights reserved. Sources: storyjumper.com/attribution
Preview audio:
storyj.mp/ag36smnb77mu
~ምሥጋና~
ገና በስምንት ዓመት ዕድሜዬ የግጥም ችሎታ አለሽ ብለዉ በኢትዬጲያ ቴሌቪዢን የልጆች-ግዜ ፕሮግራም ላይ ላቀረቡኝ የኢትዬጲያ ቴሌቪዢን የልጆች ጊዜ ፕሮግራም አዘጋጆች እና ለስነ ጥበብ ያለኝን ፍቅር እና ሥጦታ በመረዳት ባለፋት 12 ዓመታት ዉስጥ በተለያዩ የሶሻል ሚዲያ ገፆቼ ላይ ፁሁፎቼን በማንበብና ለሌሎች በማጋራት ዘወትር በርቺ ላላችሁኝ በልቤ ዉስጥ ትልቅ ቦታ አላችሁና በዚህ መፅሐፍ የተካተቱት ፅሁፎቼ ለእናንተ ማመስገኛ ይሁንልኝ:: ከሁሉም በላይ "የኔ ልጅ ፀሀፊ ነዉ የምትሆነዉ"እያለች ጥበብ ለሁሉም የማይሰጥ መታደል ነገር ግን ለሁሉም ድምፅ የሆነ የፈጣሪ ሥጦታ መሆኑን ተረድታ መክሊቴ ስነ ፅሁፍ እንደሆነ እንዳዉቅ አድርጋ መለኪያ በማይገኝለት የእናትነት ፍቅር ላሳደገችኝ እናቴ (እማዬ) መታሠብያ ይሁንልኝ::
ለረዥም ዓመታት በቀዳሚነት በኢትዮጲያን ሪቪዉ መፅሔት እንዲሁም ሌሎች በሰሜን አሜሪካ እና፥በካናዳ በሚታተሙ የጋዜጣ ዓምዶች ላይ ብቸኛዋ የእንስት ዓምደኛ ሆኜ ለስነ ፁሁፍ፥ያለኝን ፍቅር እንድገልፅበት የራሴ ዓምድ እንዲኖረኝ ፈቅዳችሁ በፍፁም ነፃነት ከብዙ ወንድማዊ ፍቅር እና ማበረታታት ጋራ ዕድሉን ለስጣችሁኝ ኤዲተሮቼ እና የመፅሔት እና የጋዜጣ አዘጋጆች ለጥበብ መፈጠሬን ገና ሣይረፍድብኝ በፍፁም ልቤ እንዳዉቅ ስለአገዛችሁኝ የብርታቴም ምክንያቶች መሆናችሁን እንድታውቁልኝ ይሁን::
ስለዚህም እኔ ብቻ ሳልሆን ከፈጣሪ ቀጥሎ የህይወት ድር እና ማግ እንዲሁም ምሰሶ እና ማገር የሆነችው ጥበብ እራሧ በሥራችሁ ዘወትር ሀሤት ታደርጋለች::
እግዚአብሔር ይስጥልኝ::
2
ዛሬ እንዲህ ብዬ አሰብኩኝ...
ፍቅርን ፡በፍቅርነቱ: ስለፍቅር፡ማፍቀር...
የፍቅርን :ፍቅር :በፍቅር : ቢፈቀር...
3
ሲያየኝ አየሁት!
የሰው ልጅ ያስባል እሱ ይፈፅማል
ስትል ሴት አያቴ መጥታ ከማጀቴ
እሱ ማነው ብዬ እጅግ ተገርሜ
ሚስጥሩ ሣይገባኝ በልጅነት እድሜ
እሱን ብቻ ጥሩ ብላ ስትመክረን
ይሄ እሱ የሚባለው ምን አይነት ይሆን
ብዬ ሳሰላስል ቀንና ሌሊት
ከአመታት በኋላ ድምፁን ስማሁት
ቀና ...ብዬ ባየው ሲያየኝ አየሁት!
4
ገባኝ:እንዳልገባኝ!
ዕድሜ ደጉ ሲሉ ሰምቼ ነበረ
አያደር ይገባል ዛሬን እየኖረ
ከትናት ለተማረ
የካች አምናን ጉዞ ሣያው እንደ ሞኝ
እየገባኝ መጣ ከቶ እንዳልገባኝ
ከሁሉ ከሁሉ ታላቁ ስጦታ
ዕድሉን ያገኘ ግድፈቱን ያረመ
የማታ የማታ
የጥበቡ ንጉስ ፀሎቴን ሰማኝ
አሁን ተረዳሁኝ ገባኝ እንዳልገባኝ!
5
አንዳንድ ሰው አለ!
አንዳንድ ሰው አለ ፈጥኖ የበሰለ ፈጥኖ የገባው
ሌላኛው ደሞ አለ እንዲሁ ጥሬውን ቁጭ ያደረገው
አንዳንድ ሰው አለ ደግ ሆኖ ያቆየው
አንዳንዱ አለ ደግሞ የሰው ልጅ ህመሙ ግድ የማይሰጠው
ሌላኛው ደግሞ አለ የቆመ ለእውነት
አንዳንዱ ደግሞ አለ የኖረ ለሀስት
ሌላኛው ደግሞ አለ ሁሉን ቀለል አድርጐ መሣቅ የሚወድ
አንዳንድ ሰዉ ደግሞ ለሠላምታም እንኳን እጅግ የሚከብድ
አንዳንድ ሰው አለ ውለታ የሚረሣ
ሌላኛ ደግሞ አለ የተደረገለትን የሚኖር ሲያወሳ
6
አንዳንድ ሰው አለ የሚል ቆጣ ቆጣ
ሌላኛው ደግሞ አለ በሄደበት ሁሉ ሰላም የሚያመጣ
አንዳንድ ሠው አለ ሲቆጥር የሚኖር ሰጠሁኝ እያለ፡
ሌላኛው ደግሞ አለ ሞያ በልብ ያለ
አንዳንድ ሰው አለ ወቀሣ የሚያበዛ
ሌላኛ ደግሞ አለ አይቶ እንዳላየ የሚያልፍ እንደዋዛ
ሌላኛው ደግሞ አለ አበዳሪ ለጋሽ
አንዳንድ ደግሞ አለ ገንዘብ ሲነሣበት ሮጦ የሚሸሽ
ሌላኛው ደግሞ አለ በጉዞ የደከመ ፍለጋ ፍቅርን
አንዳንድ ሰው አለ በውሉ ያልያዘ የተሰጠውን
ሌላኛው ደግሞ አለ ሰው ጤፉ የሆነ ፡
እንዳንዱ ደግሞ አለ
ልቡ የተረዳ የሰው ልጅ መድሃኒት ሰው ብቻ እንደሆነ
7
ታድያማ ሁላችን አንድ አድርጎ ፈጥሮን
እንዲህ አራርቆ እንዲህ ያለያየን
መነሻችን ሣይሆን የተጓዝንባቸው
ከፍታው ዝቅታው ሀዘንና ደስታው
ብርድና ሙቀቱ ብቸኛ መሆኑ
በሰው መከበቡ ቆንጆ ነሽ መባሉ
በመልክ መገለሉ በሀብት መፈለጉ
መታመን መካዱ መውጣቱ መውረዱ
መውለዱ መክበዱ መሃን ናት መባሉ
አምጦስ ልጅ ወልዶ ጠዋሪ እንኳን ማጣቱ
ምጥ እንኳን ሳያቁ የሺ እናት በባሉ
የሺ አባት መሆኑ አምላክን ማወቁ
ፈጣሪን መናቁ ከፍ መደረጉ
ቆይቶ መናቁ ከደብተር መፋቁ
በሃሣብ መጎተቱ በጭንቀት ማለቁ
የሰው ፊት ማየቱ ዘወትር መሣቀቁ
8
እግርን መሣሙ ራስ መኰርኰሙ
ምስጋና በደሉ ከፋትን ማየቱ በሰው እጅ መብላቱ
መፈቀር ጥላቸው መዳር መፈታቱ
በኪስ መለካቱ ወፈርኩኝ ቀጠንኩኝ
ቀላሁኝ ጠቆርኩኝ አጠርኩኝ ረዘምኩኝ
መላጣ ሰልካካ በሱ መሰየሙ
በልብ መደሰቱ በልብ መቆዘሙ
ህመሙ ስቃዩ ከዚያም ማገገሙ
ካለ እናት ማደጉ በእናት እጅ መጉረሱ
አባት መመኘቱ በሌላ መቅናቱ
እንኮኮ መሻቱ ፍቅርን ማየቱ
ጉያ መወሸቁ ታድያማ ሁላችን
አንድ አድርጎ ፈጥሮን
እንዲህ አራርቆ እንዲህ ያለያየን
መነሻችን ሣይሆን የተጓዝንባቸው
ጠባብና ሰፊው መንገዱ ይሆን?
9
ያርግሽ፥ጎረቤቴ
ልብሽን ሣስበው ይመስላል የእናቴ
ደግነትሽ ደሞ እንደ ታላቅ እህቴ
ውብ ህሊና አድሎሽ በአይኔ በማየቴ
አንቺን ብቻ ይለኛል ውስጠኛው ስሜቴ
ሰነባበትሽ እና ከገባሽ ከአንጀቴ
ተመኘሁ አሁንስ በሆነሽ አካላቴ
እንዳትጠፊብኝ ከአይኔ ውሃው ከፊቴ
ተኝቼ እንዳወጋሽ ሆነሽ ከደረቴ
ሰው እንዳያይብኝ ደብቄሽ ማጀቴ
ፍቅሬን ተረድተሽው ወጥቶ ማንነቴ
ምነው ባደረኩሽ የፍቅር እመቤቴ
ብወድሽ ብወድሽ
የማትሰለቺኝ
እስከ ዕለተ ሞቴ
10
እሱም ካልሆነልኝ ካልገባሽ ከቤቴ
አምላክ ካላረግሽ ዕጣ ፈንታ እራቴ
ከላይ የተሰጠኝ ካልሆነሽ ረድኤቴ
በበሬ የምታልፊ ያርግሽ ጉረቤቴ
ድንገት አደናቅፎሽ
ብትወድቂ ከፊቴ
አቅፌ እንዳገባሽ ከጠበቀሽ ቤቴ
አዝኖልኝ ፈጣሪ
እንዲያው ቢያደርግልኝ
ህይወትሽን ከህይወቴ
ሞትሽን ከሞቴ
እንዲያው ቢያደርግልኝ
ህይወትሽን ከህይወቴ
ሞትሽን ከሞቴ::
11
አልኩኝ :ተሳስቼ !
ዝምታ ወርቅ ነው አልኩኝ ተሳስቼ
መች ከቶ ደርሶብኝ አለሁ ባይ አጥቼ
ዝምታ ወርቅ አይሁን ይርከስ እንደ እምቧይ
በቃ ካላላችሁ ስትል እናት ዋይ
ዝምታ ወርቅ አይሁን ይቅር አይሁን ጌጥ
ካልተናገራችሁ ሀገር ስታምጥ
ዝምታ ወርቅ አይሁን ቅርስ አይሁን ለልጅ
ልብህ ከጨከነ ወገንህ ሲፈጅ !?
12
እንዴት ወርቅ ይሆናል ዝምታ ዘንድሮ
በጆሮ እየሰማህ የእናትን እሮሮ
ዝምታ ወርቅ ነው አልኩኝ በፀሐይ
እንዲህ መጨለሙን የፊቴን ሳላይ
ዝምታ ወርቅ አይሁን ይቅለጥ እንደ ሻማ
አራስ መገደሏን ጆሮህ እየሰማ ?
ዝምታ ወርቅ ነው አልኩኝ ተሳስቼ
መች ከቶ ደርሶብኝ አለሁ ባይ አጥቼ !
13
ሞት ልመጂ ሲሉኝ
ተነነ ተስፋዬ አሁንስ ደከመኝ
ወገኔ ሲታረድ ሞት ልመጂ ሲሉኝ
ተስፋዬ ተነነ ዘንድሮስ ደከመኝ
እርጉዝ ስትቀላ ውስጤን እያመመኝ
ህጻናት ሲፈጁ ሞት ልመጂ ሲሉኝ
የት ነው የነበረው የሁሉ ፈጣሪ ?
ፍጥረቱን ሲፈጁት አንድ እንኳ
ሣይተርፍ ለወሬ ነጋሪ
አንድ እንኳ ሣይተርፍ
ሙሾ አውጪ ቀባሪ
14
...ተስፋዬ ተነነ
አሁንስ ደከመኝ
ወገን እያለቀ ሞት ልመጂ ሲሉኝ
ውስጤ ተቃጠለ ክፉኛም አመመኝ …
ታድያማ ታድያማ ሆነና ጉዳዩ...
እየኖሩ መሞት እየሞቱ መኖር
አየቃዡ እንቅልፍ እየተኙ ቅዠት
እየካዱ ማመን እያመኑ ክህደት
እየመሩ ኋላ በታች ሆኖ መሪ
አያደርገንም ወይ የፈሪ ፎካሪ ?
15
ፍቅር !
የፍቅርን ስጦታ አስቤ አስቤ
የፍቅርን ጉልበት አይቼ አይቼ
ውስጤ ተገረመ በአንደኛው ፍቅር ላይ
የሁሉንም ትቼ
ሰው ለሰው ከሰጠው ከፍቅሮች በሙሉ
የማይወዳደር አንድ አለ ከሁሉ
እኔን እንደገባኝ እንደታዘብኩት
ከፍቅር ዓይነቶች የማደላለት
16
,,,ከፍቅርም ፍቅር የሌለው ወደር
የምሰጠው ክብር ዕፁብ ድንቅ የምር?
እሱ ነው ለእኔ የእንጀራ -እናት ፍቅር !
ከፍቅርም ፍቅር የሌለው ወደር
የምሰጠው ክብር ዕፁብ ድንቅ የምር?
እሱ ነው ለእኔ የእንጀራ-አባት ፍቅር !
17
የሀገሬ አበሣምንም ባላረገው ምንም ባላጠፋ
እየበሉ መራብ
እየሮጡ ማዝገም
እያወጡ ጡንቻ መሰልሰል መታመም
ይህን ምን ይሉታል በረከት ነው መርገም
ወንዙም እየሞላ ውሃው ከደረቀ
ሴት እየፀነሰች ጉልማሳው ካለቀ
ድልድዩ ሲሰራ መንገዱ ከራቀ
ምን ይሆን ምን መጣ ነፍሴ ተሣቀቀ
አንዱ ጋ ሠርግ ነው ሰማሁ ሲጨፍሩ
ሌሎቹ ሲያነቡ ሲምሱ ሊቀብሩ
አንዱ በልቶ ተርፎት ሲበቃው ሲደፉ
ሌላው አንጀቱ ታጥፎ አየሁት ሲከፋ
ከገዛ ሀገሩ በግፍ ከተገፋ
ድብቅ እንኳን አይደል አየነው በይፋ
ከትናቱ ዛሬ ደግ ቀን ካልሆነ
መሆኑ አይደለም ወይ ወልዶ እንደ መከነ
18
... እንዳልተሸከመች ዘጠኝ የሠላሣ
እንዳልተጨነቀች ምጧ እንደተረሣ ?
ባወጣው ባወርደው ልቤ ከቶ ሣሣ
መቼ ይሆን የሚያልቀው የሀገሬ አበሣ?
19
የሰው ጥሩ የለው
የሰው ጥሩ የለው ሲሉ ይገርመኛል
ከልብ ከፈለጉ ብዙ ሰው ይገኛል
ጥቂቶቹ ባጠፉ በአፍ ባለፈለፉ
የአምላክ ፍጡር ሁሉ አይታይ በክፉ
አይናችን ተከፍቶ ጀሮም ካደመጠ
ለሌላው የኖረ ከራስ ያስበለጠ
ለእውነት የኖረ ከሀስት ያመለጠ
ኧረ አለ ብዙ ሰው ምራቁን የዋጠ
20
...በማይረባው ሁሉ ደረቱ ያላበጠ
የሰው ጥሩ አይገኝ ሲሉ ይከፋኛል
የደጋጎቹ ልብ ተከፍቶ ይታየኛል
ልብን ያከሙበት ቃላቸው ያስረኛል
ኧረ ደግ ጠፍቶ ሲሉ ይከፋኛል
እንባ ያበሱበት እጃቸው ያስረኛል
21
የልቤ ልዕልት
የልቤ ልዕልት አንቺ ሆንሽና
የኔ አደረገሽ አምላክ ሰማና
ፍቅርሽ ሆኖኛል ሁለመናዬ
ሆነሽ ተገኘሽ ካሣ ለእንባዬ
ለካስ ቀን አለው ጤና ለሰጠው
እንዳልበረደው ቤቱ የሚሞቀው
አምላክ ዝም አይል የልብን ያውቃል
ለተከፋ ሰው መች ርቆ ያውቃል
የህልምን ንግስት መርጦ ይሰጣል
ለካ ዕድል አለ ቀድሞ ለሣተ
እስከነ ጠባሳው ልቡን ለከፈተ
22
...እኔስ ይገርመኛል የዚህ ዓለም ህይወት
እንዴት ሰው ይካሣል ለጉዳት ንግስት
የህልሜ ንግስት ነሽ ሽልማቴ
አድርጌሻለሁኝ ፍቅር እመቤቴ
አፍቅሬሽ ነበረ አድርጌሽ ልዕልቴ
አሁን ግን ገዛሽኝ ሆነሽልኝ ንግስቴ
እቴጌ ብልሽስ በአዲሱ ቤቴ
እንግዲህ ከሆንሽኝ የኔዋ መነን
ቤቴ ላስገባው ነው የወርቁን ዙፋን
የውብም ውብ ይገልፅሽ ይሆን?
23
አያልቅስ አፈር
አይቆጣ መሬት :አያልቅስ አፈር
በአፋም ባይናገር ይቆጥሯል ብድር
በሰጡት ልክ ነው ቆጥሮ የሚሰፍር
ደም አይወድለትም የሀገሬ አፈሩ
እሱ የናፈቀው ሞፈሩ ቀንበሩ
የግፋ መዘዝ አለው
አፈር ካለቀስ አፈር ከተጠቃ
የማይታገሉት ማጥ ይሆናል ጭቃ
ውስጡ የተከፋ
አዳልጦ የሚደፋ
ከጭቃም ጭቃ ነው
አፈር ካለቀሰ
ለልጅ ለልጅ የሚተርፍ
በእርግማን የራሰ !
24
ለፍቅር ሩብ ጉዳይ
ምን ይሉታል አሁን የፍቅር ቁጠባ
እንዲህ ፡ እየወደድኳት ሆዴም እየባባ
ተይ በሏት ይችን ሰው ሁኑኝ ገላጋይ
ኧረ ግፍ ይሆናል ለፍቅር ሩብ ጉዳይ
ስስት ምን ሊበጅሽ የትስ ሊያደርስሽ
መስጠትና መንፈግ ማን አስተማረሽ
ደግነት ይሻላል ገነት የሚያወርስሽ
ያስከፍላል ዋጋ በምድር በሰማይ
ለማንም አልሆነም ለፍቅር ሩብ ጉዳይ!!
25
ያለልክ ጫማ!
አይተዋወቁ ሐና እና ሊዲያ
ጫማ ግዢ ወጡ ትልቁ ገበያ
ሲዘሩ ሲዞሩ በልክ ፍለጋ
ፀሐዩም ጠለቀ ገበያው ሊዘጋ
ከዛም በችኮላ ጫማው ተገዛና
በጥድፍያ በሩጫ እቤት ተገባና
ሁለቱም ለየራስ ጀመሩና ኑሮ
ህይወታቸው ሆነ የበዛበት እሮሮ
ምን ይሆን ችግሩ ሲጠየቅ ውሎ አድሮ
ነገሩ ወዲህ ነው ጫማው ተቀያይሮ!
አይመለስ ነገር አንዴ እግራቸው ገብቶ
አይ ጌታዬ ሆነ ልባቸው ተከፍቶ
ሐናም አለልኳ በሰው ጫማ ጉዞ
ህመሙ ጠናባት ውስጥ እግሯ አመርቅዞ
በጠባቡ ጫማ መሄድ አቅቷት
ቀጥ ያለው ጐዳና ሆነባት ዳገት
26
ምርርም ብላ አለችው አምላኬ
አትሰጠኝም ወይ ጫማዬን በልኬ
ሌላኛዋ ደግሞ ስትሮጥ በሰው ጫማ
አወላክፏት ወድቃ ተኝታለች ታማ
ሰፊ ጫማ ገዝታ በማታ ገበያ
እግሯ አልሞላም አለ ብትል በዚህ በዚያ
መደናቀፍ ሆነ ከሚያዚያ እስከ ሚያዚያ
አንድ እሁድ ተነሣች ጫማ የሰፋት
ቤተስኪያን ልትስም የሚካኤል ዕለት
ተረከዟ የደማው ሌላኛዋም ሴት
በሌሊት ተጓዘች ልትሣል ስለት
ሁለቱም ቤተስኪያን አንድ ላይ ደርሰው
ሊፀልዩ ገቡ ጫማ አውልቀው
ትንሽም ሣይቆዩ ወጡ አስቀድሰው
ተገኘ ጫማቸው የተሣሣተው የተቀየረው
የሀገራችን ዘፋኝ አለ አንተ አምላኬ
ሌላው ሁሉ ቢቀር ሰው ስጠኝ በልኬ
ማየት ቢሰለቸው ወገን ሲከፋው
አንዱ እየጠበበው አንዱ ሲስፋው::
27
አጣሁለት ስም!
አጣሁለት ስም
ለነፍሱ ቀለም
ቃላቱን ሰምቼ
ልበለው ወርቃማ
ድምፁ የማይሰለች
ቢሰማ ቢሰማ
ሰማያዊ ይሉኛል
ፍፁም ደግ ምቹ
ሲበር አላየሁት
እንደ መላዕክቶቹ
ጥቁር እንዳልለው
ትውልዱን አይቼ
ልቡ ምን እንደሆን
አላየሁ ከፍቼ
ወይን ጠጅ ልበለው የነፍሱን ቀለም
መንፈስን አስክሮ ሆኗል የቀን ህልም
28
ዕውቀቱን አይቼ
ብለውስ ብርማ
የተከፋችን ልብ
በእጁ ከአከመማ
ግራጫ ልበለው
ልክ እንደ ተራራ
ድፍረቱን አይቼ
ምንም የማይፈራ
ብርታቱን ሰምቼ
ቀይ አልለውም
ምንም ቢጠፋብኝ
የነፍሱ ቀለም
ቢጫ ይሆን እንዴ
የነፍሱ ቀለም
እንደ አደይ አበባ
ፈክቶ የሚከስም
ማወቅም ቢሣነኝ
ቀለም የነፍሱን
ዝም ብዬ ላመስግን የፈጠረውን
የቀለሙን አባት ማግ ነካሪውን::
29
ቀሚስና ገበር !
ቀሚስና ገበር እኩል ተፈጥረው
አንዱን ላይ አንዱን ታች ማነው ያረገው
ገበር አይበልጥም ወይ ያለው ትልቅ ዋጋ
ከቀሚሱ በላይ ለስው የሚጠጋ
ጠባቂ አለሁ ባይ ቅርብ ከቀሚስ
ቀድሞ የሚያለብስ እንዳይጓረብጥም እንዳይኮስኩስ
ይገርማል ይሄ ዓለም ግራ የተጋባ
ወዳጅን አርቆ ከሩቅ የሚጠጋ
30
...ልብ ለአለውማ ለተገነዘበው
ከቀሚሱ በላይ ገበሩ ዋጋ አለው
ከብርዱ ከውርጬ ለተከላከለው
ውለታን አሰቦ ቆጥሮ ለሚከፈለው
ይደንቃል ይገርማል ምን ይባላል ከቶ
ገበርን በውሃ ቀሚስን በሽቶ?
31
ጠባሣና ሰንበር
ጠባሳና ሰንበር ምን አገናኛቸው
ሰማይና ምድር ነው ርቀታቸው
አይመሳሰልም አፈጣጠራቸው
አንድኛው ይጠፋል በጊዜ ታክሞ
ሌላኛው ይታያል ድኖም አገግሞ
መታወሱ አይቀርም ጊዜውም ረዝሞ
መቼም ሰው ያጠፋል አይሆንም ፍፁም
አስቦትም ይሁን ስቶም ሣያውቅም
ሆነን ከተገኘን የህሊና አናሣ
ባይሆን ሰንበር እንጂ
አንሁን ጠባሳ!
32
ፍንክችም የማልል!
ሞከሩ ሞከሩ አናልቅም አልናቸው
ሆደ ሰፊ መሆን ሞኝነት መስሏቸው
መሆኔን ረስተው የዝናሩ ጌታ የቃታው አባት
አጥሬን ነቀነቁት የንቀት ንቀት
ቀልድ የለም ብያቸው በሚስትና በሀገር
በድንግሏ ምዬ የማልደራደር
ገፍተው ካልመጡብኝ ሁሉን የማከብር
መስመር ካለፉቡኝ የማላንገራግር
ውለታ የማልረሣ ሰፍሬ የምከፍል
በመሰለኝ ጉዳይ ፍንክችም የማልል!
33
ካውያና ፋኖስ!
ካውያና ፋኖስ
ድንገት ተዋደው
ድል ባለ ድግስ
በሠርግ ተድረው
ጎረቤት ተጠርቶ
ድንኳንም ጥለው
ታዲያ በሳምንቱ
ካውያ ተነስታ
ምነው የማትረዳኝ
ለአንዴ እንኳን ለአፍታ
ፋኖስም ሰማና
የሚስቱን ስሞታ
እኔ እኮ ስራ አለኝ
ከአንቺ የበረታ
ያውም ከጨለመ
የማታ የማታ
34
ከት ብላ ሣቀች
ካውያዋም ሰምታ
ይሄም ስራ ሆኖ
መቆም አንድ ቦታ
እኔ እኮ አለሁኝ
እሣት የምመታ
ትንሽ እንኳን ሣይቆይ
ፍቅር በረደና
አንተ ትብስ አንቺ
መሆኑ ቀረና
አደባባይ ወጣ
የቤቱ ገበና
ታድያ ቀን ጨመረ
በጭቅጭቅ ብቻ
መዘዙ ብዙ ነው
ያለ አቻ ጋብቻ
35
አዲስ ዓመት!
አዲስ አመት መጥቶ
አሮጌው ሲተካ
መታሰቡ አይቀርም
ምን እንደተሣካ
ምን እንዳልተሳካ
ብቸኛው አግብቶ
ያገባው ተፋቶ
የታመመው ድኖ
ያልታመመው ሞቶ
አንድኛውም ፋፍቶ
ሌላኛውም ሟምቶ
የነበረዉ አጥቶ
የጎደለው ሞልቶ
የተከፋው ትቶ
ደስ ያለው ተከፍቶ ሞኙ ልብ ገዝቶ
ብልጡ ተምኝቶ ፍቅር ያለው ስቶ
36
ያጣው ተመኝቶ
የሞላው ቀምቶ
የሌለው ረድቶ
አንዱ ተደስቶ
ሌላው ልቡ ደምቶ
እናትም አልቅሣ
ትንሽ ልጇ ሞቶ
አባትም አነባ
ልጁ ተሰውቶ
እህትም አይታለች
ወንድሟ ተመቶ
እሱም የእሷን ስቃይ
በአይኑ ተመልክቶ
የማይታየውን አይናችንም አይቶ
የማይሰማውን ጀሮአችንም ሰምቶ
ዓመቱ እልም አለ
ቀን መሽቶ ሌት ነግቶ::
37
Benefits:
- Full access to our public library
- Save favorite books
- Interact with authors
READ
The book title "Ye_Beiray DemeTS`e" is an Amharic expression loosely translated as "The Voice Of My Ink". The book is a collection of short Amharic poems and fictional stories that reflect the author's profound observations of the human experience. At times, her observations are articulated in colorful words woven in a "Wax and Gold style",
(In Abyssinian poetry, the “wax” is the obvious meaning, and the “gold” is the hidden meaning). Other times, her poetic expression represents that she is indeed a straight shooter from the heart. Each poem raises thought-provoking issues about humanity, culture, tradition, romance, love, compassion mismatched marriages, suffering, greed, war, and politics, as well as advocating for the irreplaceable-precious human lives that are lost due to ethnic conflict in Ethiopia—above all - holding the bystanders equally responsible for the ongoing human suffering in her homeland. (Elsi Abebe is also an author of four children's books that are written in the English Language.)
Copyright©Elsi Abebe 2022 USA
Created & published on StoryJumper™ ©2025 StoryJumper, Inc.
All rights reserved. Sources: storyjumper.com/attribution
Preview audio:
storyj.mp/ag36smnb77mu
~ምሥጋና~
ገና በስምንት ዓመት ዕድሜዬ የግጥም ችሎታ አለሽ ብለዉ በኢትዬጲያ ቴሌቪዢን የልጆች-ግዜ ፕሮግራም ላይ ላቀረቡኝ የኢትዬጲያ ቴሌቪዢን የልጆች ጊዜ ፕሮግራም አዘጋጆች እና ለስነ ጥበብ ያለኝን ፍቅር እና ሥጦታ በመረዳት ባለፋት 12 ዓመታት ዉስጥ በተለያዩ የሶሻል ሚዲያ ገፆቼ ላይ ፁሁፎቼን በማንበብና ለሌሎች በማጋራት ዘወትር በርቺ ላላችሁኝ በልቤ ዉስጥ ትልቅ ቦታ አላችሁና በዚህ መፅሐፍ የተካተቱት ፅሁፎቼ ለእናንተ ማመስገኛ ይሁንልኝ:: ከሁሉም በላይ "የኔ ልጅ ፀሀፊ ነዉ የምትሆነዉ"እያለች ጥበብ ለሁሉም የማይሰጥ መታደል ነገር ግን ለሁሉም ድምፅ የሆነ የፈጣሪ ሥጦታ መሆኑን ተረድታ መክሊቴ ስነ ፅሁፍ እንደሆነ እንዳዉቅ አድርጋ መለኪያ በማይገኝለት የእናትነት ፍቅር ላሳደገችኝ እናቴ (እማዬ) መታሠብያ ይሁንልኝ::
ለረዥም ዓመታት በቀዳሚነት በኢትዮጲያን ሪቪዉ መፅሔት እንዲሁም ሌሎች በሰሜን አሜሪካ እና፥በካናዳ በሚታተሙ የጋዜጣ ዓምዶች ላይ ብቸኛዋ የእንስት ዓምደኛ ሆኜ ለስነ ፁሁፍ፥ያለኝን ፍቅር እንድገልፅበት የራሴ ዓምድ እንዲኖረኝ ፈቅዳችሁ በፍፁም ነፃነት ከብዙ ወንድማዊ ፍቅር እና ማበረታታት ጋራ ዕድሉን ለስጣችሁኝ ኤዲተሮቼ እና የመፅሔት እና የጋዜጣ አዘጋጆች ለጥበብ መፈጠሬን ገና ሣይረፍድብኝ በፍፁም ልቤ እንዳዉቅ ስለአገዛችሁኝ የብርታቴም ምክንያቶች መሆናችሁን እንድታውቁልኝ ይሁን::
ስለዚህም እኔ ብቻ ሳልሆን ከፈጣሪ ቀጥሎ የህይወት ድር እና ማግ እንዲሁም ምሰሶ እና ማገር የሆነችው ጥበብ እራሧ በሥራችሁ ዘወትር ሀሤት ታደርጋለች::
እግዚአብሔር ይስጥልኝ::
2
ዛሬ እንዲህ ብዬ አሰብኩኝ...
ፍቅርን ፡በፍቅርነቱ: ስለፍቅር፡ማፍቀር...
የፍቅርን :ፍቅር :በፍቅር : ቢፈቀር...
3
ሲያየኝ አየሁት!
የሰው ልጅ ያስባል እሱ ይፈፅማል
ስትል ሴት አያቴ መጥታ ከማጀቴ
እሱ ማነው ብዬ እጅግ ተገርሜ
ሚስጥሩ ሣይገባኝ በልጅነት እድሜ
እሱን ብቻ ጥሩ ብላ ስትመክረን
ይሄ እሱ የሚባለው ምን አይነት ይሆን
ብዬ ሳሰላስል ቀንና ሌሊት
ከአመታት በኋላ ድምፁን ስማሁት
ቀና ...ብዬ ባየው ሲያየኝ አየሁት!
4
- < BEGINNING
- END >
-
DOWNLOAD
-
LIKE
-
COMMENT()
-
SHARE
-
SAVE
BUY THIS BOOK (from $11.39+)
-
BUY THIS BOOK
(from $11.39+) -
BUY THIS BOOK
(from $11.39+) - DOWNLOAD
- LIKE
- COMMENT ()
- SHARE
- SAVE
- Report
Liked By
X
Encourage this author
-
BUY
-
LIKE
-
COMMENT()
-
SHARE
Problem with this book
X
- Excessive Violence
- Harassment
- Offensive Pictures
- Spelling & Grammar Errors
- Unfinished
- Other Problem
Which pages have problems?
Please describe the problem:
left text
right text
"የብዕሬ ድምፅ The Voice Of My Ink"
Elsi Abebe5, Henokp
የብዕሬ:ድምፅ loosely translated "The Sound Of my Ink"
A collection of short Amharic Poems written by Elsi Abebe
A collection of short Amharic Poems written by Elsi Abebe
(58 pages)
Privacy level:
PUBLIC
164 reads
Report
COMMENTS
Click 'X' to report any negative comments. Thanks!