Magandang araw, narito ulit ako, si Rouie. Isang linggo na naman ang lumipas. Masaya rin akong nalagpasan ang thesis defense namin noong Sabado. At ngayon, nalalapit na ang isang linggong wellness break namin.

Alam naman natin na sa nakalipas na mga buwan dulot ng nationwide community quarantine, marami sa mga kababayan natin ang nawalan ng trabaho at kakayahang pinansyal. Bilang tugon dito, maraming mabubuting loob ang tumulong sa mga apektadong Pilipino sa pamamagitan ng Community Pantry.

Isa ang pamilya ko sa mga lubos na naapektuhan ng sunod-sunod na community quarantine dahil sa paghina ng kita ng aking ama mula sa kanyang trabaho sa Quezon City. Wala ring trabaho ang aking ina dahil sa mga iniinda nitong mga sakit. Kahit papaano ay nalalagpasan namin ang pagsubok na dala ng pandemya mula sa mga tulong na naibibigay ng pamahalaan at ang pagkakaroon ng Community Pantry sa aming komunidad.